المشاركات

الانتخابات

قبل ما اقول رأيي فى الانتخابات بس انا حابه أوضح أنى أصلاً ماليش فى السياسة ، وأخرى فى السياسية انى اعرف مين هوا رئيس الجمهورية وأزاى بقى رئيس
وامتى وعمل ايه عشان يوصل للكرسى المبجل ، ودعونا لا ننكر فضل الكرسى الرئاسى اللى مجنن كل الفئات سواء مدنيين ولا جيش ولا شرطة ولا أخوان ولا
سلفى، يلا ما علينا ، نيجى بقى لمهرجان الانتخابات او العرس الديمقراطى زى ما بيقولوا

السؤال المهم واللى بياكل فى دماغك وانت بتقرا البلوج دى دلوقتى هوا ايه علاقة الرقص بالانتخابات ؟ هقولك والمصحف علمى علمك ولا اقولك تعالى نسأل حد
يعرف يمكن نفهم ايه العلاقة الموازية او العكسية والتى بدورها تخلى البنات والستات تطلع ترقص فى الانتخابات ، وحتى معرفش هل الرقص بيدى مصداقيه لنتيجة
الانتخابات ولا بيعمل ايه بالظبط ومع انه مالهوش اى لازمة فمن الطبيعى انى ماشوفهوش كمان ع التليفزيون والله مش ناقصة تخلف انا
وأوعى تقولى مظهرنا الحضارى والاعلام والكلام ده ...والله ازعل منك ...أحنا مظهرنا الحضارى والله زى الفل وثابت فى مكانه جنب أخواته من دول العالم
التالت ، متقدمش ولا خطوة .
وكمان المفروض اننا فى بلد ديمقراطى يعنى المفر…

الولاد شايفين البنات ازاى؟

- عزيزتى البنت : لما واحد يقولك انه بيحبك يبقى فعلا بيحبك ومش كل مرة لازم يأكدلك المعلومة... هوا قالها مرة وخلاص
- مش لازم تروحى تقابلى حبيبك مثلا وانتى حاطة تورته فواكه ف وشك ومانيكير ف ايدك وتستنى انه يقولك واو ... هوا اصلا مش بياخد باله م المهرجان ده ، شم هياخد باله من لون الباليرينا ولا شكل الشنطة ولا بقية الحاجات اللي إنتي بتحطيها الي هوا اصلا ميعرفش اسمها.. مش لازم كل مرة تقعدى ساعتين تفتكسى ف لوك جديد ... هوا واخد عليكى كدة ومعجب بشكلك ... بلاش الافورة
- اكيد حبيبك مش مخترع الذرة عشان كل يوم تساليه ع تفاصيل يومه ... بلاش عملت ايه النهاردة كان يومك عامل ازاى ..لانه هيقولك تمام...هوا اصلا مش هايقولك هوا بيعمل ايه ولا عايز يعرف انتى كمان عملتى ايه
- ماتستنيش منه يفتح المندل ويعرف انتى زعلانة منه ف ايه ... زعلانة اتفضلى انطقى ... وبلاش تغيرى طريقتك معاه ويفضل يسالك ويقولك مالك تقولى مافيش ...لانه وبدون اى مقدمات هيقولك غورى او اتفلقى.
- مش معنى إنه ويتنج إنه بيخونك.. عادي هو ممكن يتكلم في الموبايل عادي...بلاش الخنقة
- في الأغلب إنتي مرتبطيش مرة واحدة في حياتك .. وبرده مش أق…
عوايدنا
فيه عادات وتقاليد ف حياتنا اتولدنا لاقيناها وعايشين بيها بس فى الحقيقة احنا قافشين عليها ... مسخرة.
ومن المساخر دى سن الجواز اللى ياحرام لو جارتك او صاحبه مامتك جت عندكوا ف البيت وخبطتك السؤال الشهير "انتى عندك كام سنه " ولما تردى عليها من واجب الذوق والادب طبعا وتقولك " ولسه ماتجوزتيش؟" او "ربنا يطمنا عليكى" طبعا الكلام مافيهوش حاجة وجميل جدا من الجوهر بس ..بس هوا اصلا يفقع المرارة ويخليكى تضربى نفسك مليون جزمة او اى حاجة قدامك وياسلام لو كانت سكينة O-o وده كله عشان عبرتيها اصلا !! الكلام اللى فات لو انتى بنت بس لو انت ولد بئى الموضوع بياخد ابعاد تانية خاااالص ابسط بُعد فيها انك يا شايفلك شوفة يا بتعُط عط السنين ;)
عارفين كل دا كوم و ان الطعنة تيجى من اقرب الناس ليك دا كوم تانى ، الأم والأب ؛مامتك حاطة ف اعتبارها انك ياحرام متاخرة ف الجواز عشان عديتى 23 او 24 سنة ومفيش جواز ده عشان لما اتجوزت من حوالى ربع قرن كان عندها 20 سنة بالكتير اوى وباباكى هيموت من القلق وعايز يفرح بيكى وده من حقهم طبعا بس محدش فيهم او ف غيره…
الصداقة وفوائدها

طبعا بما ان اللى يعيش ياما يشوف بس والله التعليم ده مش ببلاش ابدا وبما اننا مانقدرش نعيش لوحدنا ف الدنيا دى ؟؟؟ف ممكن نختار اصحاب او نقع ف طريقة ناس غلط ونبقى فاكرينهم اصحابنا ...

بس والله العظيم صاحبك الحقيقى هوا اللى تلاقيه جنبك وقت محنتك وبرضه هوا اللى يصارحك بكل حاجة بمعنى اصح هوا اللى يبكيك ولا يضحك الناس عليك ...

الناس كلها بقت تمثل على بعضها ومحدش بقى عايش على طبيعته لدرجة انك ممكن تحس بالنقيض ف شخص واحد وهوا واقف قدامك ..يضحك فى وشك ويمشى من جنبك يتكلم عليك والله حصلت معايا واحدة ف الشغل اتكلمت عليا وكانت عايزة توحش صورتى قدام الناس وبعدها بخمس دقايق بالظبط جت تعزم عليا بحلويات هيا كانت جايباها ...بس عرفت ف الاخر ان الناس ف الشغل كلهم شتموا عليها ...

طيب بلاش كدة مرة دخلت للمدير واشتكت منى وانا واقفة لدرجة انه قاللها هوا انتى بتأسفنيها قالتله اه ...ياريتك مارديتى كنتى حافظتى ع سلام ربنا اللى بيننا

مشكلتى انى بفرض حسن النية ف الواحد لاقصى الحدود الى ان يثبت العكس بس الكلام ده طلع غلط 100% ومابقاش فلى حاجة اسمها صداقة لا ف الشغل ولا حتى الكلية والحقد شغال عما…

ثورة الكيك

صورة
ثورة الكيك

بدايتى مع الكيك كانت غريبة شوية واول الحكاية كانت ف المدرسة سنة ثانية ابتدائى والمدرسة بتاعتى كانت طالبة مننا كل واحد يكتب قايمة الفطار والغدا والعشا على مدار الاسبوع كله والكلام ده كان تقريبا اول اسبوع ف الدراسة

بصراحة انا كنت بتخنق من الواجب كله ولما كنت بتأخر فيه كنت بخلى ابن خالتى يساعدنى فيه لما ييجى عندنا يوم الخميس والجمعة

عامة انا لما رجعت البيت قلت لماما المدرسة طالبة مننا نعمل واجب ووريتها الكشكول بتاعى الى كان 60 ورقة وطبعا كان ضخم جدا بالنسبة ليا ازاى بنت ف تانية ابتائى تشيل كشكول 60 ورقة وطبعا كانت شنطة المدرسة تقيلة جدا

المهم وريت لما الكشكول وقولتلها بصى ياماما ده الواجب بتاعى بصت ف الكشكول وقالتلى حاضر هانعمله دلوقتى وجابت ورقة فلوسكاب كبيرة وقالتلى انا هاكتب الواجب وانتى ابقى انقليه ورايا ف كشكول المدرسة .

المهم كتبت الورقة وبعدين اديتهالى وقالتلى انقليها يلا عشان تخلصى المهم ببص ف الورقة لاقيت الفطار بتاع يوم الثلاثاء لاقيته (كيك )اصلا انا ماكنتش عارفة اقراها ورجعت لماما قولتلها ايه دى قالتلى كيك روحت ساكته وكتبتها ف الكشكول زى ماهيا ودى كانت بدايه الك…

اول مرة تحقيق

طبعا اول مرة ف حياتى اتحول للتحقيق ف الشغل من اول ما اشتغلت وكالعادة الناس كلها بتقف مع بعض عليك مش لانك عبيط ولا حتى مش عاجبهم الحكايه عشان يأمنوا نفسهم من الهوا الطاير .

الموضوع باختصار انى بشتغل سكرتيرة نائب رئيس مجلس الادارة ف شركة اول ما دخلت الشركة الكل تعب نفسيا وف الاخر اتأقلمنا كلنا بعد كدة رئيس مجلس الادارة قال انه هيشترى 2 سكانر جديدة من النوع الحديث سعر الجهاز 10.000 جنيه وبعد ما اتركب الجهاز عندى انا طبعا مضيت عليه انه عهده عندى انا والسكرتيرة (منار).

وطبعا بما لا يخالف شرع الله انا كنت هبلة ع الاخر يعنى مش فارقة معايا من اللى يستخدم الجهاز ده حتى الباسوورد كان معاها عشان تعرف تفتح الكمبيوتر بتاعى .

المهم اتستحبت حاجة (ورقة نتيجة 2012 ) طبعا بطريقة غلط وانا ماكنتش على مكتبى ولما رجعت لاقيت النتيجة مسحوبة وكالعادة ماهتميتش بالموضوع ما دام الاسكانر شغال وزى الفل بس عرفت ان النتيجة اتسحبت على سبيل التجربة .

المهم بعد الموضوع ده باسبوعين جهاز الاسكانر مارديش يسحب وعمل عصيان طلبت مهندس ال (IT)اللى هوا الطرف الثالث وقولتله الجهاز مش راضى يسحب المهم عرفنا ان الجهاز عطل اتصلنا با…